Үйл ажиллаганы хүрээ

• Гадаадын иргэн визний ангилал болон оршин суух хугацааны хүрээнд оршин суух ёстой бөгөөд хуульд зааснаас гадна улс төрийн аливаа үйл ажиллагаа явуулахыг хориглоно.
• Гадаадын иргэн солонгост оршин сууж байхдаа хөдөлмөр эрхлэхийг хүсвэл заавал хөдөлмөр эрхлэх зөвшөөрөлтэй визний ангилалтай байх ёстой. Мөн тодорхойлсон ажлын байранд хөдөлмөр эрхлэх ёстой.
• Ажлын байраа өөрчлөхийг хүссэн тохиолдолд заасан хугацааны дотор цагаачлалын албанд мэдэгдэх ёстой.
• Хөдөлмөр эрхлэх зөвшөөрөлгүй гадаадын иргэнийг ажилд авч болохгүй.
• Хууль бусаар гадаадын иргэнийг ажилд авсан тохиолдолд хуулийн дагуу хариуцлага хүлээх ёстой.

Оршин суух хугацаа

• Түр оршин суух хугацаа : 90 хоног
• Удаан оршин суух хугацаа : 91 хоногоос дээш
• Байнгын оршин суух хугацаа : хязгааргүй
  ※ Удаан оршин суух болон байнгын оршин суух зөвшөөрөл авахын тулд 90 хоногийн дотор гадаад иргэний үнэмлэх авах хүсэлтээ өгөх ёстой.

Оршин суух эрхээ сунгуулах

• Зөвшөөрөл авсан оршин суух хугацаанаас хойш Солонгос улсад оршин суухыг хүсвэл суух эрхээ сунгуулах хэрэгтэй.
• Сунгуулах хугацаа
  • Оршин суух эрхээ сунгуулах хэрэгтэй гадаадын иргэн хугацаа дуусахын 2 сарын өмнөөс сунгуулна.
  • Хугацаа дууссаны дараа ирвэл торгуул ноогдуулна.

Оршин суух эрхээ сунгуулах арга

• Өөрөө болон итгэмжлэгдсэн хүн бичиг баримтаа бүрдүүлээд хүрч ирнэ. Өөрөө Солонгост байгаа тохиолдолд биеэрээ хүрч ирнэ.